ஒன்றாரியோவில் ஒரே நாளில் 140,00 தடுப்பூசிகள் ஏற்றப்பட்டுள்ளதாக மாகாண அரசாங்கம் தகவல் வெளியிட்டுள்ளது.
கொவிட் தடுப்பூசிகள் ஏற்றப்பட்டு வரும் நிலையில் நேற்றைய தினமே அதி கூடிய எண்ணிக்கையில் தடுப்பூசிகள் ஏற்றப்பட்டுள்ளதாக தெரிவிக்கப்படுகின்றது.
ஒரே நாளில் அதாவது நேற்றைய தினம் ஒன்றாரியோ மாகாணத்தில் 141038 பேருக்கு தடுப்பூசிகள் ஏற்றப்பட்டுள்ளன.
அண்மைய நாட்களாக மாகாணத்திற்கு அதிகளவில் தடுப்பூசிகள் கிடைக்கப் பெற்று வரும் நிலையில், தடுப்பூசி ஏற்றும் நடவடிக்கைகளும் அதிகரிக்கப்பட்டுள்ளமை குறிப்பிடத்தக்கது.
