நடந்து முடிந்த சட்டப்பேரவைத் தேர்தலில் 20 தொகுதிகளில் போட்டியிட்ட பாஜக 4 இடங்களில் வென்றன. இதனிடையே சென்னை தியாகராயநகரில் பாஜக தேர்தல் பொறுப்பாளர் கிஷன் ரெட்டி தலைமையிலான கூட்டம் இன்று நடைபெற்றது.
கூட்டத்தில் பாஜக மாநிலத் தலைவர் எல்.முருகன் உள்ளிட்டோர் பங்கேற்றனர். கூட்டத்திற்கு பிறகு செய்தியாளர்களுக்கு பேட்டியளித்த எல்.முருகன், தமிழகத்தில் பாஜக காலூன்ற முடியாது என்றார்கள், தற்போது தாமரை மலர்ந்துள்ளது.
சட்டப்பேரவையை தாங்கிப் பிடிக்கும் 4 தூண்களாக பாஜக எம்எல்ஏக்கள் இருப்பார்கள். பாஜக சட்டப்பேரவைக் குழுத் தலைவராக நயினார் நாகேந்திரன் தேர்வு செய்யப்பட்டுள்ளார் என்னார்.
சட்டப்பேரவைத் தேர்தலில் திருநெல்வேலி தொகுதியில் போட்டியிட்டு வெற்றி பெற்றவர் நயினார் நாகேந்திரன் என்பது குறிப்பிடத்தக்கது.
