கொரோனா தடுப்பூசி செல்வந்த நாடுகளில் செலுத்தப்பட்டு வரும் நிலையில், ‘ வறிய நாடுகளுக்கு இன்னும் தடுப்பூசி உரிய முறையில் கிடைக்கவில்லை’ என, உலக சுகாதார அமைப்பு கவலை வெளியிட்டுள்ளது.
கொரோனா வைரஸ் பெருந்தொற்று உலகையே உலுக்கி வருகிறது எனவும் லட்சக்கணக்கான மக்களின் உயிர்களைப் பறித்துள்ளது எனவும் தெரிவித்துள்ளது.
பல்வேறு முன்னேறிய நாடுகள் தடுப்பூசிகளைக் கண்டறிந்து அதை மக்களுக்குச் செலுத்தி வருகின்றன. குறிப்பாக அமெரிக்கா, பிரிட்டன், பிரான்ஸ், ரஷ்யா, இந்தியா உள்ளிட்ட பல்வேறு நாடுகள் தங்களது நாட்டு மக்களுக்கு தடுப்பூசியை வழங்கி வருகின்றன.
எனினும், உலகில் உள்ள பல்வேறு நாடுகள் இன்னும் தடுப்பூசியின் வரவை எதிர்பார்த்துக் காத்திருக்கின்றன. குறிப்பாக ஆப்பிரிக்காவில் உள்ள நாடுகளுக்கு தடுப்பூசி கிடைக்கவில்லை. அங்கு ஏராளமானோர் கொரோனாவால் பாதிக்கப்பட்டு உயிரிழந்து வரும் அவல நிலை உள்ளது என உலக சுகாதார அமைப்பு தெரிவித்துள்ளது.
