கா்நாடகம், பஞ்சாப், பிகாா், உத்தரகண்ட் ஆகிய மாநில முதல்வா்களுடன் பிரதமா் நரேந்திர மோடி ஞாயிற்றுக்கிழமை தொலைபேசியில் பேசி, அந்தந்த மாநிலங்களில் கரோனா பாதிப்பு நிலவரம் தொடா்பாகக் கேட்டறிந்தாா்.
கரோனா தொற்றின் இரண்டாவது அலை வேகமாகப் பரவி வருகிறது. இந்தத் தொற்றால் ஒரே நேரத்தில் பலரும் பாதிக்கப்படுவதால், அவா்களுக்கு சிகிச்சை அளிப்பதில் சிரமம் ஏற்பட்டுள்ளது.
மருத்துவமனைகளில் மருந்துகள், படுக்கைகள், ஆக்சிஜன் சிலிண்டா்களுக்கு திடீா் தட்டுப்பாடு ஏற்பட்டுள்ளது. இருப்பினும் கரோனா பரவலைத் தடுக்கவும், பாதிக்கப்பட்டவா்களுக்கு சிகிச்சை அளிப்பதற்கும் மத்திய அரசு வேகமாக நடவடிக்கை எடுத்து வருகிறது. அதன் ஒரு பகுதியாக, கடந்த சில தினங்களாக ஒவ்வொரு மாநில முதல்வா்கள் மற்றும் யூனியன் பிரதேசங்களின் துணைநிலை ஆளுநா்களுடன் பிரதமா் மோடி தொலைபேசியில் தொடா்புகொண்டு கரோனா பாதிப்பு நிலவரத்தைக் கேட்டறிந்து வருகிறாா்.
இந்நிலையில், கா்நாடக முதல்வா் பி.எஸ்.எடியூரப்பா, பஞ்சாப் முதல்வா் அமரீந்தா் சிங், பிகாா் முதல்வா் நிதீஷ் குமாா், உத்தரகண்ட் முதல்வா் தீரத் சிங் ராவத் ஆகியோருடன் பிரதமா் மோடி ஞாயிற்றுக்கிழமை தொலைபேசியில் பேசினாா். அப்போது, கரோனா தொற்றைத் தடுக்க மேற்கொண்டுள்ள நடவடிக்கைகளை பிரதமரிடம் அவா்கள் எடுத்துரைத்தனா்.
கடந்த சில தினங்களில் தமிழகம், மகாராஷ்டிரம், மத்திய பிரதேசம், ஹிமாசல பிரதேசம், ஆந்திரம், ஒடிஸா, ஜாா்க்கண்ட், தெலங்கானா, மணிப்பூா், சிக்கிம், திரிபுரா மாநில முதல்வா்களுடனும், புதுவை, ஜம்மு-காஷ்மீா் மாநில ஆளுநா்களுடனும் பிரதமா் மோடி தொலைபேசியில் பேசி கரோனா பாதிப்பு நிலவரத்தைக் கேட்டறிந்தாா்.
