பிரேமம் மலையாள படத்தில் அறிமுகமான சாய் பல்லவி அதன்பிறகு தெலுங்கில் அறிமுகமாகி அதையடுத்துதான தமிழுக்கு வந்தார். ஆனால் தற்போது தமிழ், மலையாளத்தை விட தெலுங்கில் தான் டாப் நடிகையாக இருந்து வருகிறார். குறிப்பாக கதாநாயகிக்கு முக்கியத்துவமுள்ள கதைகளாக தேர்வு செய்து நடித்து தெலுங்கு சினிமாவில் முக்கிய நடிகையாக திகழ்ந்து கொண்டிருக்கிறார்.
இந்த நிலையில், 2005ல் தெலுங்கில் ராஜமவுலி இயக்கத்தில் பிரபாஸ், ஸ்ரேயா நடித்து வெளியான சத்ரபதி என்ற படத்தை ஹிந்தியில் ரீ-மேக் செய்கின்றனர். இதில் நாயகனாக தெலுங்கு நடிகர் பெல்லம் கொண்ட ஸ்ரீனிவாஸ் நடிக்க, வி.வி.விநாயக் இயக்க உள்ளார். இந்த படத்தில் சாய் பல்லவியை நடிக்க வைக்க பேச்சுவார்த்தை நடக்கிறது. இந்த படத்தில் நடிக்க சாய் பல்லவி சம்மதம் சொல்லிவிட்டால் இந்த படம் மூலம் தமிழ், மலையாளம், தெலுங்கை அடுத்து ஹிந்தி சினிமாவிலும் கால்பதித்து விடுவார்.
