மிஸ்ஸிசாகுவா துப்பாக்கிச் சூட்டு சம்பவம் தொடர்பில் பொலிஸார் விசாரணைகளை ஆரம்பித்துள்ளனர்.
நேற்றைய தினம் இரவு நயிந்த் லேன் பகுதியில் இந்த துப்பாக்கிச் சூட்டு சம்பவம் இடம்பெற்றுள்ளது.
இந்த துப்பாக்கிச் சூட்டு சம்பவத்தில் பெண் ஒருவர் உயிரிழந்துள்ளார்.
குறித்த பெண் சம்பவ இடத்திலேயே உயிரிழந்துள்ளதாக பீல் பிராந்திய பொலிஸ் கான்ஸ்டபிள் அகில் மூக்கன் தெரிவித்துள்ளார்.
சம்பவத்தில் உயிரிழந்த பெண் குறித்த விபரங்களை பொலிஸார் வெளியிடவில்லை என்பதுடன், சம்பவத்துடன் தொடர்புடைய சந்தேக நபர்கள் பற்றிய விபரங்களும் வெளியிடப்படவில்லை.
விசாரணைகள் ஆரம்ப கட்டத்தில் காணப்படுவதாகவும் இதனால் தற்போதைக்கு எதனையும் கூற முடியாது எனவும் பொலிஸார் தெரிவிக்கின்றனர்.
