ஸ்காப்ரோவில் இடம்பெற்ற துப்பாக்கிச் சூட்டு சம்பவத்தில் ஆண் ஒருவர் கொல்லப்பட்டதுடன் பெண் ஒருவர் படுகாயமடைந்துள்ளார்.
லோரன்ஸ் அவன்யூ பகுதியில் அதிகாலை 1.15 மணியளவில் இந்த துப்பாக்கிச் சூட்டு சம்பவம் இடம்பெற்றுள்ளது.
வாகனத்தில் இருந்தவர்கள் மீது துப்பாக்கிச் சூடு நடத்தப்பட்டுள்ளதாகத் தெரிவிக்கப்படுகின்றது.
துப்பாக்கிச் சூட்டு காயங்களுக்கு இலக்கான நிலையில் வாகனத்தில் கிடந்த இருவரையும் பொலிஸார் மீட்டுள்ளனர்.
எவ்வாறெனினும் சம்பவ இடத்திலேயே குறித்த நபர் உயிரிழந்துள்ளதுடன், பெண் படுகாயமடைந்த நிலையில் வைத்தியசாலையில் அனுமதித்துள்ளனர்.
அதிக எண்ணிக்கையிலான துப்பாக்கிச் சூடு நடாத்தப்பட்டுள்ளதாக பொலிஸார் தெரிவிக்கின்றனர்.
சம்பவம் தொடர்பில் விசாரணைகள் ஆரம்பிக்கப்பட்டுள்ளதாக றொரன்டோ பொலிஸார் தெரிவிக்கின்றனர்.
