ஸ்காப்ரோவல் பள்ளிவாசலுக்குள் அத்துமீறி பிரவேசித்த இரண்டு பேரை பொலிஸார் கைது செய்துள்ளனர்.
பள்ளிவாசலுக்குள் அத்துமீறி பிரவேசித்துள்ளதாக பள்ளிவாசல் நிர்வாகத்தினர் பொலிஸாருக்கு முறைப்பாடு செய்திருந்தனர்.
றொரன்டோ ஸ்காப்ரோவின் பின்ச் அவன்யூவிற்கு அருகாமையில் இந்த பள்ளிவாசல் அமைந்துள்ளது.
சட்டவிரோத போதைப் பொருள் பயன்படுத்திய இரண்டு பேர் போதையில் பள்ளிவாசலை உடைத்து உள்ளே பிரவேசித்தனர் என குற்றம் சுமத்தப்பட்டுள்ளது.
இவ்வாறு அத்து மீறி பள்ளிவாசலுக்குள் பிரவேசித்த இருவரும் அங்கிருந்த பணியாளர்களை அச்சுறுத்தியுள்ளனர் என தெரிவிக்கப்படுகின்றது.
24 வயதான ஆண் ஒருவரும், 22 வயதான பெண் ஒருவரும் இவ்வாறு கைது செய்யப்பட்டுள்ளதாக பொலிஸார் தெரிவிக்கின்றனர்.
பள்ளிவாசலுக்குள் அத்துமீறி பிரவேசித்தமை உள்ளிட்ட பல்வேறு குற்றச்சாட்டுக்கள் இவர்கள் மீது சுமத்தப்பட்டுள்ளது.
