றொரன்டோவில் ஒரே வீதியில் எட்டு நாள் இடைவெளியில் இரண்டு துப்பாக்கிச் சூட்டு சம்பவங்கள் பதிவாகியுள்ளன.
றொரன்டோவின் கிளியர்விவ் ஹைட்ஸ் என்னும் பகுதியில் இந்த துப்பாக்கிச் சூட்டு சம்பவம் இடம்பெற்றுள்ளது.
துப்பாக்கிச் சூட்டு சம்பவத்தில் 20 வயது மதிக்கத் தக்க இளைஞர் ஒருவர் உயிரிழந்துள்ளார்.
சம்பவ இடத்திலேயே குறித்த நபர் உயிரிழந்துவிட்டதாக பொலிஸார் தெரிவிக்கின்றனர்.
இந்த துப்பாக்கிச் சூட்டு சம்பவம் தொடர்பிலான விசாரணைகள் முடுக்கி விடப்பட்டுள்ளதாக பொலிஸார் குறிப்பிடுகின்றனர்.
சம்பவத்தில் உயிரிழந்த நபர் பற்றிய ஆள் அடையாள விபரங்கள் இதுவரையில் வெளியிடப்படவில்லை.
கனடாவின் சில பகுதிகளில் அடிக்கடி துப்பாக்கிச் சூட்டு சம்பவங்கள் பதிவாகி வருகின்றமை குறிப்பிடத்தக்கது.
