மிஸ்ஸிசாகுவாவில் வாயு கசிவு காரணமாக 27 குடும்பங்கள் தங்களது வீடுகளிலிருந்து வெளியேற்றப்பட்டுள்ளனர்.
பாதுகாப்பு நோக்கில் இவ்வாறு முன் எச்சரிக்கையாக இந்த குடும்பங்கள் வெளியேற்றப்பட்டுள்ளன.
க்ளாட்ஸ் மற்றும் பிலித்தீ வீதியில் இந்த சம்பவம் பதிவாகியுள்ளதாகத் தெரிவிக்கப்படுகின்றது.
சுமார் 20 அங்குலமான வாயு குழாயில் ஏற்பட்ட கசிவினால் இந்த விபத்து இடம்பெற்றுள்ளதாகத் தெரிவிக்கப்படுகின்றது.
இந்த வாயு கசிவு ஆபத்தானதாக அமையக் கூடும் என்பதனால் அண்டைய வீடுககளில் வாழ்ந்த குடும்பங்கள் அந்த இடத்தை விட்டு வெளியேற்றப்பட்டுள்ளனர்.
பாரிய ஜெட் விமானமொன்றின் என்ஜின் செயற்படும் போதான ஒலியுடன் இந்த வாயு கசிவு இடம்பெற்றுள்ளது.
வாயு கசிவு தொடர்பில் அதிகாரிகள் உன்னிப்பாக அவதானித்து வருவதாகத் தெரிவிக்கப்படுகின்றது.
