இயக்குநர் மணிரத்னம் தற்போது பொன்னியின் செல்வன் திரைப்படத்தை இயக்கி வருகிறார். இந்த படத்தின் முதல் பாகம் 2022 இல் வெளியாகிறது.
இயக்குநர் மணிரத்னம் (Mani Ratnam) இயக்கும் பொன்னியின் செல்வன் (Ponniyin Selvan) படத்தில் ஜெயம் ரவி, கார்த்தி, விக்ரம், ஐஸ்வர்யா ராய், ஐஸ்வர்யா லட்சுமி, த்ரிஷா, சரத்குமார், ரியாஸ் கான், பிரபு, ஜெயராம் உள்ளிட்ட பலர் நடித்து வருகிறார்கள். மேலும் இந்த படத்தை லைகா நிறுவனம் வழங்க, மெட்ராஸ் டாக்கீஸ் நிறுவனம் தயாரித்து வருகிறது.
இதற்கிடையில் பொன்னியின் செல்வன் படப்பிடிப்பு தொடங்கப்படுவதற்கு முன்பு படத்தின் போஸ்டர் ஒன்று வெளியாது. இதற்கு பிறகு படம் குறித்து எவ்வித அப்டேடும் வெளியிடப்படவில்லை. இந்நிலையில் தற்போது ‘பொன்னியின் செல்வன்’ முதல் பாகத்துக்கான போஸ்டரைப் படக்குழுவினர் அதிகாரபூர்வமாக வெளியிட்டுள்ளனர். அதில் 2022-ம் ஆண்டு படம் வெளியாகும் எனவும் அறிவிக்கப்பட்டுள்ளது.
கல்கியின் ’பொன்னியின் செல்வன்’ நாவலை அடிப்படையாகக் கொண்டு உருவாகியிருக்கும் இந்த திரைப்படத்திற்கு ஏஆர் ரகுமான் இசையமைத்துள்ளார். தற்போது பொன்னியின் செல்வன் படத்தின் படப்பிடிப்பு தற்போது பாண்டிச்சேரியில் நடைபெற்று வருகிறது.
