அமெரிக்க ஜனாதிபதி ஜோ பைடன் மற்றும் கனேடிய பிரதமர் ஜஸ்ரின் ட்ரூடே ஆகியோருக்கு இடையில் பேச்சுவார்த்தை நடாத்தப்பட்டுள்ளது.
தொலைபேசி வழியாக இந்தப் பேச்சுவார்த்தை நடாத்தப்பட்டுள்ளது.
கடந்த ஜூன் மாதம் ஜீ7 மாநாட்டில் இரு நாட்டுத் தலைவர்களும் நேரில் சந்தித்துப் பேச்சுவார்த்தை நடாத்தியிருந்தனர்.
இந்த சந்திப்பினைத் தொடர்ந்து இரு நாடுகளின் தலைவர்களும் நடத்திய முதல் பேச்சுவார்த்தை இதுவென்பது குறிப்பிடத்தக்கது.
ஒலிம்பிக் போட்டியில் அமெரிக்க மகளிர் கால்ந்தாட்ட அணியை அரையிறுதிச் சுற்றில் கனடா அணி வீழ்த்தியமை பற்றி இந்த தொலைபேசி உரையாடலில் பேசப்பட்டுள்ளது.
கொவிட் காரணமாக இரு நாடுகளுக்கும் இடையிலான எல்லைகள் மூடப்பட்டமை குறித்தும் பேசப்பட்டுள்ளது.
வர்த்தக ரீதியிலாக இரு நாடுகளுக்கும் இடையிலான உறவுகளை வலுப்படுத்திக்கொள்வது தொடர்பிலும் கலந்துரையாடப்பட்டுள்ளதாகத் தெரிவிக்கப்படுகின்றது.
