நாடாளுமன்ற மழைக்கால கூட்டத்தொடர் இறுதிகட்டத்தை எட்டியுள்ளது. கடந்த மாதம் 19ஆம் தேதி தொடங்கிய கூட்டத்தொடர் வரும் 13ஆம் தேதியுடன் நிறைவு பெறுகிறது. இந்த கூட்டத்தொடரில் பெகாசஸ் ஒட்டுக் கேட்பு விவகாரம், வேளாண் சட்டங்களை ரத்து செய்யும் கோரிக்கை ஆகியவற்றை எதிர்க்கட்சிகள் எழுப்பி இரு அவைகளையும் சரியான முறையில் நடத்த இயலாத சூழலுக்கு தள்ளினர்.
ராஜ்யசபாவில் கடும் அமளி
ஆரோக்கியமான விவாதங்கள் ஏதுமின்றி பெரும்பாலான நேரங்கள் அமளியிலும், ஒத்திவைப்பிலும் கடந்து போனது. நேற்றைய தினம் ராஜ்ய சபாவின் இருக்கைகளில் அமர்ந்தும், இருக்கைகள் மீது ஏறியும், அவைத் தலைவர் இருக்கையை நோக்கி ஆவணங்களை தூக்கி எறிந்தும் என எதிர்க்கட்சி எம்.பிக்கள் பெரிதும் அத்துமீறினர்.
இந்த விவகாரம் தொடர்பாக இன்றைய அவை நேரத்தில் பேசிய ராஜ்ய சபா தலைவர் வெங்கையா நாயுடு,
புதிய வியூகம் வகுத்த பாஜக; பிரதமர் மோடியின் மாஸ் பிளான் ஒர்க் அவுட் ஆகுமா?
வெங்கையா நாயுடு கண்ணீர்
ஜனநாயகத்தின் கோயிலாக கருதப்படும் நாடாளுமன்றத்தில் இத்தகைய எதிர்பாராத நடவடிக்கைகள் பெரிதும் வேதனை அளிக்கின்றன. ராஜ்ய சபாவின் மாண்பை காக்க எம்.பிக்கள் தவறவிட்டனர்.
எம்.பிக்களின் செயல்பாடு எல்லை மீறிவிட்டது. அவையின் தலைவராக நான் மிகவும் கவலைப்படுகிறேன். இந்த நாடும் அப்படித்தான் நினைக்கிறது என்று கூறினார்.
அதிமுக உறுப்பினர்களுக்கும் காவல்துறையினருக்கும் இடையே வாக்குவாதம்!
எதிர்க்கட்சி எம்.பிக்கள் மீது நடவடிக்கை
அப்போது வெங்கையா நாயுடு கண்கலங்கியது அவையில் இருந்தவர்களை மிகவும் உருக்கத்தில் ஆழ்த்தியது. முன்னதாக இன்று காலை வெங்கையா நாயுடுவை உள்துறை அமைச்சர் அமித் ஷா, பியூஷ் கோயல் மற்றும் பாஜக எம்.பிக்கள் ஆகியோர் சந்தித்து பேசினார்.
பள்ளிகள் திறப்பு எப்போது? உறுதியாக சொன்ன கல்வி அமைச்சர்!
இந்த சூழலில் அவையில் அத்துமீறிய எதிர்க்கட்சி எம்.பிக்கள் மீது வெங்கையா நாயுடு அதிரடியான நடவடிக்கை எடுப்பார் என்று எதிர்பார்க்கப்படுகிறது.
இதையடுத்து லோக்சபாவில் நடந்து வரும் அமளி குறித்து சபாநாயகர் ஓம் பிர்லாவை பிரதமர் மோடி மற்றும் உள்துறை அமைச்சர் அமித் ஷா ஆகியோர் சந்தித்தது முக்கியத்துவம் பெற்றுள்ளது
