ஆன்டிஜென் சோதனையின் துல்லியதன்மை குறித்து கேள்வி

சுவிட்சர்லாந்தில் அங்கீகரிக்கப்பட்ட விரைவான ஆன்டிஜென் சோதனை பிசிஆர் சோதனைகளுடன் நேரடியாக ஒப்பிடுகையில் மோசமாக செயல்பட்டுள்ளமை கண்டறியப்பட்டுள்ளது. கொவிட்-19 தொற்றால் பாதிக்கப்பட்ட 141 பேரில், மூன்றில் இரண்டு தொற்றுக்களை மட்டுமே அன்டிஜென் சோதனை கண்டறிந்துள்ளது.

கொவிட் அறிகுறி இல்லாத பாதிக்கப்பட்ட நபர்களுக்கு மேற்கொள்ளப்பட்ட அன்டிஜென் சோதனை இன்னும் மோசமான விளைவை காண்பிக்கிறது. இது பிசிஆர் சோதனையில் தொற்று இருப்பதாகக் கண்டறியப்பட்டவர்களில் 44% ஆனோரை மட்டுமே கண்டறிந்தது.

சர்வதேச தொற்று நோய்களுக்கான இதழில் வெளியிடப்பட்ட முடிவுகள் உற்பத்தியாளரின் தரவுகளிலிருந்து கணிசமாக வித்தியாசப்படுவதாக இன்செல் மருத்துவமனை மற்றும் பெர்ன் பல்கலைக்கழகம் ஆகியவை வியாழக்கிழமை தெரிவித்தன.

இரண்டு சோதனை முறைகளையும் பயன்படுத்தி சிறப்பு பயிற்சி பெற்ற நிபுணர்களால் எடுக்கப்பட்ட மாதிரிகளை மதிப்பீடு செய்வதன் மூலம் முதல் முறையாக மருத்துவ அமைப்பில் Roche இன் விரைவான ஆன்டிஜென் சோதனையின் கண்டறியும் துல்லியத்தை ஆராய்ச்சி குழு தீர்மானித்தது.

1,465 சோதனை மாதிரியில், 141 பேர் (9.6%) கொவிட் தொற்றால் பாதிக்கப்பட்டுள்ளனர் என்பதை பிசிஆர் சோதனை காட்டுகிறது, அதே நேரத்தில் ஆன்டிஜென் சோதனை 95 தொற்றுக்களை மட்டுமே கண்டறிந்தது (6.4%). நடைமுறையில், குறிப்பாக மாதிரிகள் எடுக்கும்போது, ​​முடிவுகள் இன்னும் மோசமாக இருக்கலாம் என்று அந்த அறிக்கை கூறியது.

இத்தகைய சோதனையின் பரவலான பயன்பாடு கணிசமான எண்ணிக்கையிலான நபர்களுக்கு SARS-CoV-2 தொற்று இல்லை என தவறாகத் தீர்மானிக்க வழிவகுக்கும் என்று ஆய்வு முடிவு செய்தது.

சுவிட்சர்லாந்தில் தற்போது வாரத்திற்கு 130,000 விரைவான அன்டிஜென் சோதனைகள் நடத்தப்படுகின்றன. இதில் சுமார் 18% ஆனோருக்கு தொற்று இருப்பதாக எடுத்துக்கொண்டால் 23,400 பேர் சரியாக அடையாளம் காணப்படுவார்கள், ஆனால் 12,400 பாதிக்கப்பட்ட நபர்கள் தவறவிடப்படுவார்கள் என்று எச்சரிக்கப்பட்டுள்ளது.