கடந்த 2015 ஆம் ஆண்டு, முறைகேடான நிதி முதலீடுகளை அம்பலப்படுத்திய பனாமா ஆவணங்கள் (panama papers) உலகில் பெரும் பரபரப்பை ஏற்படுத்தியது நினைவில் இருக்கலாம். அந்த வகையில் தற்போது பண்டோரா ஆவணங்கள் என்பாடும் பண்டோரா பேப்பர்ஸ் (Pandora Papers) ஆவணங்கள் வெளியாகி பரபரப்பை ஏற்படுத்தியுள்ளது
உலக அளவில் முறைகேடாக வெளிநாடுகளில் பல கோடி ரூபாய் முதலீடு செய்து, சொத்துக்களை வாங்கி குவித்துள்ள பிரபலங்கள் தொடர்பான பட்டியல் தற்போது வெளியாகி பரபரப்பை ஏற்படுத்தியுள்ளது. இதில், இந்திய கிரிக்கெட் வீரர் சச்சின் டெண்டுல்கர் (Sachin Tendulkar) உட்பட பலரது பெயர்களும் இடம் பெற்றுள்ளது அதிர்ச்சியை ஏற்படுத்தியுள்ளது.
சர்வதேச புலனாய்வு பத்திரிக்கையாளர்கள் கூட்டமைப்பு (International Consortium of Investigative Journalists -ICIJ) இந்த பட்டியலை வெளியிடப்பட்டுள்ளது. நிதி சேவை வழங்கும் 14 நிறுவனங்களிடம் இருந்து கசிந்த 11.9 மில்லியன் ரகசிய ஆவணங்களை 600க்கும் அதிகமான பத்திரிகையாளர்கள் புலனாய்வு செய்து இந்த பட்டியலை வெளியிட்டுள்ளனர். இந்த பட்டியலில், அரசியல் தலைவர்கள், தொழிலதிபர்கள் உள்ளிட்டோர் முறைகேடான வகையில் சொத்துக்களை குவித்துள்ளது தெரிய வந்துள்ளது. வரி ஏய்ப்பு செய்து சொத்துக்களை வாங்கி குவித்துள்ளவர்கள் பட்டியலில் 300க்கும் மேற்பட்ட இந்தியர்கள் பெயர் இடம்பெற்றுள்ளது குறிப்பிடத்தக்கது.
