பிரம்டனில் இடம்பெற்ற கொள்ளைச் சம்பவமொன்றுடன் தொடர்புடைய 3 பேரை பொலிஸார் கைது செய்துள்ளனர்.
இந்த சம்பவத்துடன் தொடர்புடைய மற்றுமொரு சந்தேக நபரை தேடி வருவதாக பொலிஸார் தெரிவித்துள்ளனர்.
வில்லியம்ஸ் பார்க்வே மற்றும் எல்பர்ன் மார்க்செல் பகுதியில் இந்த கொள்ளைச் சம்பவம் இடம்பெற்றுள்ளது.
ஆயுத முனையில் அச்சுறுத்தி வாகனமொன்றைறும் அதில் எடுத்துச் செல்லப்பட்ட இலத்திரனியல் சாதனங்களையும் சந்தேக நபர்கள் கொள்ளையிட்டுள்ளதாக குற்றம் சுமத்தப்பட்டுள்ளது.
கொள்ளையிடப்பட்ட பொருட்களின் பெறுமதி பற்றிய விபரங்கள் வெளியிடப்படவில்லை.
பொலிஸார் மேற்கொண்ட விசாரணைகளின் மூலம் களவாடப்பட்ட பொருட்கள் மீட்கப்பட்டுள்ளது.
இந்த கொள்ளைச் சம்பவம் தொடர்பில் 29 வயதான Simranjeet Narang, 36 வயதான Davinder Mann மற்றும் 27 வயதான Aadish Sharma ஆகியோரே இவ்வாறு கைது செய்யப்பட்டுள்ளனர்.
இந்த மூன்று பேருக்கு எதிராகவும் கொள்ளை மற்றும் களவாடப்பட்ட பொருட்களை வைத்திருத்தல் ஆகிய குற்றச்சாட்டுக்கள் சுமத்தப்பட்டுள்ளன.
நான்காவது சந்தேக நபரை கைது செய்வதற்கான நடவடிக்கைகள் எடுக்கப்பட்டுள்ளதாகத் தெரிவிக்கப்படுகின்றது.
