தமிழகம் வந்துள்ள தெலுங்கானா முதல்-மந்திரி சந்திரசேகர ராவ், தனது குடும்பத்தினருடன் நேற்று திருச்சி, ஸ்ரீரங்கம் ரெங்கநாதர் கோவிலில் சுவாமி தரிசனம் செய்தார்.
இந்நிலையில் சென்னை, ஆழ்வார்பேட்டை இல்லத்தில் முதல்-அமைச்சர் மு.க.ஸ்டாலினை, தெலங்கானா முதல்-மந்திரி சந்திரசேகர ராவ் நேரில் சந்தித்தார். இதற்கு முன்பு கடந்த 2019-ஆம் ஆண்டு மு.க.ஸ்டாலினை சந்திரசேகர ராவ் சந்தித்திருந்தார். தெலங்கானா முதல்-மந்திரி சந்திரசேகர ராவ் இதற்கு முன்பு ஒடிசா முதல்-மந்திரி நவீன் பட்நாயக் மற்றும் மேற்குவங்க முதல்-மந்திரி மம்தா பானர்ஜியையும் சந்தித்து பேசியிருந்தார்.
முதல்-அமைச்சர் மு.க.ஸ்டாலினுடனான இன்றைய சந்திப்பின்போது தென்னிந்திய மாநிலங்களுக்கு எதிரான நடவடிக்கைகளை மேற்கொள்ளும் மத்திய பாஜக அரசுக்கு எதிராக மாநில அரசுகள் ஒன்றிணைவது குறித்தும் பேச்சுவார்த்தை நடைபெற்றதாக தகவல் வெளியாகி உள்ளது.
