முன்னாள் எம்.எல்.ஏ.,க்கள் மற்றும் பிரபலங்கள் மறைவுக்கு, சட்டசபையில் இரங்கல் தெரிவிக்கப்பட்டது.
முன்னாள் எம்.எல்.ஏ.,க்கள் ஜீனத்ஷெர்புதீன், ராஜேந்திரன், மாயவன், முருகானந்தம், கோவிந்தன், லோகாம்பாள், நன்மாறன், விநாயமூர்த்தி, கண்ணன், சண்முகம், அண்ணாமலை, மோசஸ் ஆகியோர் மறைவுக்கு நேற்று சட்டசபையில், சபாநாயகர் அப்பாவு இரங்கல் குறிப்பு வாசித்தார். அதன்பின், 2 நிமிடம் மவுன அஞ்சலி செலுத்தப்பட்டது.
அதைத் தொடர்ந்து, தமிழக முன்னாள் கவர்னர் ரோசய்யா, முப்படை தலைமை தளபதி பிபின் ராவத், அவரது மனைவி, குரூப் கேப்டன் வருண்சிங் மற்றும் 11 ராணுவ உயர் அதிகாரிகள். தமிழ்நாடு விவசாயிகள் சங்க பொதுச் செயலர் துரைமாணிக்கம், கன்னட திரைப்பட நடிகர் புனீத் ராஜ்குமார், மனித உரிமை செயற்பாட்டாளர் பேராயர் டெஸ்மண்ட் டுட்டு ஆகியோர் மறைவுக்கும் இரங்கல் தீர்மானம் வாசிக்கப்பட்டு, 2 நிமிடம் மவுன அஞ்சலி செலுத்தப்பட்டது.
