பிரபல நடன இயக்குநர் பிருந்தா மாஸ்டர் இயக்கத்தில் உருவாகி வரும் திரைப்படம் ‘ஹே சினாமிகா’. இப்படத்தில் துல்கர், அதிதி, காஜல் அகர்வால் ஆகியோர் லீட் ரோல்களில் நடித்துள்ளனர்.
லவ் சப்ஜெக்டாக இருக்கும் என எதிர்பார்க்கப்படுகிறது. இந்தப் படத்தின் ஃபர்ஸ்ட் லுக் போஸ்டர் அண்மையில் ரிலீஸ் செய்யப்பட்டு பெரும் வரவேற்பை பெற்றது. சூர்யா மற்றும் ஜோதிகா ஆகியோர் கூட்டாக ஃபர்ஸ்ட் லுக்கை வெளியிட்டனர்.
இந்நிலையில், படத்தில் துல்கர் சல்மான் அச்சமில்லை அச்சமில்லை என்ற பாடலையும் பாடியுள்ளார். மதன் கார்க்கி வரிகளில், கோவிந்த் வசந்தா இசையில் உருவாகியிருக்கும் இந்தப் பாடலை பொங்கல் விருந்தாக படக்குழு ரிலீஸ் செய்ய உள்ளது. படத்தை தயாரிக்கும் ரிலையன்ஸ் நிறுவனம் இந்த அறிவிப்பை அதிகாரப்பூர்வமாக அறிவித்துள்ளது.
பாடலின் குட்டி ஃபோர்ஷனையும் படக்குழு வெளியிட்டுள்ளது. தமிழில் துல்கர் முதன்முறையாக பாடியிருக்கும் தமிழ் பாடல் என்பதால், இந்த குட்டி போர்ஷனுக்கே இணையத்தில் ஏகோபித்த வரவேற்பு கிடைத்துள்ளது. முழு பாடலையும் பார்க்க வெயிட்டிங்கில் இருப்பதாகவும் நெட்டிசன்கள் கூறியுள்ளனர். இந்தப் பாடல் 45 நிமிடங்களில் பதிவு செய்யப்பட்டது என்பது குறிப்பிடத்தக்கது.
