தாய்மொழியாம் தமிழ்மொழியை காத்திட மொழிப் போர்களத்தில் தங்களையே இழந்து இன்னுயிர் நீத்த தன்மான வீரர்களின் நினைவை ஏந்தி வீரவணக்கம் கூறும் நாள் ஆண்டுதோறும் ஜனவரி 25 அன்று அனுசரிக்கபடுகிறது.
இந்நிலையில் மொழிப்போர் தியாகிகளின் வீர வணக்க நாளை முன்னிட்டு சென்னை கிண்டி காந்தி மண்டப வளாகத்தில் உள்ள மொழிப்போர் தியாகிகள் மணி மண்டபத்தில் முதல்-அமைச்சர் மு.க.ஸ்டாலின் நேரில் சென்று மரியாதை செலுத்தினார்.
மொழிப்போர் தியாகிகளான சென்னை நடராசன், கும்பகோணம் தாளமுத்து, சிவகங்கை ராஜேந்திரன் உள்பட மொழிப்போர் தியாகிகள் பலரின் திருவுருவப் படங்களுக்கு முதல்-அமைச்சர் மு.க.ஸ்டாலின் மலர்தூவி மரியாதை செலுத்தினார்.
