கோவிட்19 கட்டுப்பாட்டுச் சட்டங்களை ரத்து செய்யுமாறு கோரி றொரன்டோவில் மாபெரும் போராட்டம் முன்னெடுக்கப்பட்டுள்ளது.
ட்ரக் வண்டிகளில் ஹோர்ன்களை ஒலிக்கச் செய்வதன் மூலமும் இந்தப் போராட்டம் மேற்கொள்ளப்பட்டுள்ளது.
கோவிட் சான்றிதழ் நடைமுறை உள்ளிட்ட கட்டுப்பாடுகளை தளர்த்துமாறு அரசாங்கத்திற்கு அழுத்தம் கொடுக்கும் நோக்கில் சில நாட்களாக இந்தப் போராட்டம் முன்னெடுக்கப்பட்டு வருகின்றமை குறிப்பிடத்தக்கது.
இந்தப் போராட்டத்தில் பங்குபற்றியிருந்த நபர் ஒருவரை கைது செய்துள்ளதாக பொலிஸார் தெரிவிக்கின்றனர்.
22 வயதான குறித்த நபர் புகைக் குண்டு தாக்குதல் நடாத்த முயற்சித்தார் என குற்றம் சுமத்தப்பட்டுள்ளது.
இவ்வாறான போராட்டங்களுக்கு இடமளிக்கப்பட முடியாது என பொலிஸார் தெரிவித்துள்ளனர்.
