கச்சிராயபாளையம் அருகே இரு தரப்பு மாணவர்களிடையே மோதல் ஏற்பட்டதால் போலீசார் குவிக்கப்பட்டுள்ளனர். கள்ளக்குறிச்சி மாவட்டம் கச்சிராயபாளையம் அடுத்த க. அலம்பலம் மற்றும் பொண்பரப்பட்டு ஆகிய கிராமங்களில் உள்ள பள்ளி மற்றும் கல்லுாரி மாணவர்கள் கள்ளக்குறிச்சி செல்வதற்கு எண் 16 வழிதடம் டவுன் பஸ்சில் சென்று வருவது வழக்கம்.
பஸ்சில் செல்லும் இரு கிராம மாணவர்களிடையே அடிக்கடி வாய்த்தகராறு ஏற்பட்டு முன்விரோதம் இருந்துவந்தது.இந்நிலையில் நேற்று மாலை 7 மணியளவில் கள்ளக்குறிச்சி பஸ் நிலையத்திலிருந்து புறப்பட்ட 16 எண் டவுன் பஸ்சில் வந்த இரு கிராம மாணவர்களிடையே மீண்டும் தகராறு ஏற்பட்டு ஒருவரை தாக்கிக் கொண்டுள்ளனர்.
உடன் டிரைவர் பஸ்சை கச்சிராயப்பாளையம் போலீஸ் ஸ்டேஷனுக்கு கொண்டு சென்று நிறுத்தினார். அப்போது இரு கிராம மாணவர்களும் போலீஸ் ஸ்டேஷனில் குவிந்ததால் பதற்றம் ஏற்பட்டது.
போலீசார் இருதரப்பினரையும் நாளை காலை விசாரிப்பதாகக் கூறி அனுப்பிவைத்தனர்.இதனால் இரு கிராமங்களிடையே பதற்றம் ஏற்பட்டுள்ளதால் மோதல் ஏற்படாமல் இருக்க 50 க்கும் மேற்பட்ட போலீசார் குவிக்கப்டடுள்ளனர். சம்பவம் குறித்து கச்சிராயப்பாளையம் போலீசார் விசாரித்துவருகின்றனர்.
