விஜய் டிவியில் ஒளிபரப்பாகி வரும் பிக் பாஸ் நிகழ்ச்சி கடந்த 2017 ஆம் ஆண்டு தொடங்கப்பட்டது. பிக்பாஸின் 5 சீசன்களையும் நடிகர் கமல்ஹாசனே தொகுத்து வழங்கி வந்தார்.
பிக்பாஸ் நிகழ்ச்சியில் இருந்து கமலஹாசன் விலகுவது உறுதியாகிவிட்டது. தொலைகாட்சியில் கமலுடன் பணியாற்றிய ஒருவரின் டிவிட்டர் செய்தி கமலஹாசனின் பிக்பாஸ் விலகலை உறுதி செய்துள்ளது.
தற்போது பிக்பாஸ் அல்டிமேட், தமிழ் ரசிகர்கள் மத்தியில் அதிக வரவேற்பை பெற்றுள்ளது. தமிழில் 5 சீசன்கள் கடந்த பிக்பாஸ், தற்போது புதிய பரிமாணத்தில் ‘பிக்பாஸ் அல்டிமேட்’ என்ற பெயரில் ஓடிடி தளத்தில் பிரத்யேகமாக ஒளிபரப்பாகிறது.
அடுத்த வாரம் முதல் பிக் பாஸ் அல்டிமேட் நிகழ்ச்சியை கமலுக்கு பதில் நடிகை ரம்யா கிருஷ்ணன் தொகுத்து வழங்க போவதாக சமூகவலைத்தளங்களில் தகவல்கள் பரவி வந்தன. இந்த நிலையில், அந்த செய்தியை உறுதியாக்கும் வகையில் வந்துள்ள செய்தி, பிக்பாஸ் ரசிகர்களுக்கு ஏமாற்றத்தை ஏற்படுத்தியிருக்கிறது.
