தமிழ் தெலுங்கு திரையுலகின் முன்னணி நடிகைகளில் ஒருவரான சமந்தா. இவர் சமூக வலைதளங்களில் குறிப்பாக இன்ஸ்டாகிராமில் ஆக்டிவ்வாக இருப்பார் என்பதும் அவருக்கு இன்ஸ்டாகிராமில் சுமார் 22 மில்லியன் ஃபாலோயர்கள் உள்ளனர் என்பதும் குறிப்பிடத்தக்கது.
தற்போது நடிகை சமந்தா மகாகவி காளிதாஸ் எழுதிய புராணகதையான சாகுந்தலம் என்ற கதையில் நடித்து வருகிறார். இந்த கதையின் நாயகியான சகுந்தலா கேரக்டரில் நடிகை சமந்தா நடிக்கிறார். இந்த படத்தில் சமந்தா உடன் அதிதி பாலன், பிரகாஷ்ராஜ், மோகன்பாபு, மதுபாலா, கபீர் சிங் ஆகியோர் நடித்து வருகின்றனர். மேலும் குணசேகரன் இந்த படத்தை இயக்கி வருகிறார்.
இந்த நிலையில் தற்போது இந்த படத்தின் ஃப்ர்ஸ்ட் லுக் போஸ்டர் சற்றுமுன் வெளியாகியுள்ளது. இந்த போஸ்டர் தற்போது இணையதளங்களில் வைரலாகி வருகிறது. இந்த போஸ்டரில் நடிகை சமந்தாவின் தோற்றம் மிகவும் அழகாக இருப்பதாக ரசிகர்கள் தெரிவித்து வருகின்றனர். இந்த படம் இன்னும் ஒரு சில மாதங்களில் ரிலீசாகும் என்று எதிர்பார்க்கப்படுகிறது.
நடிகை சமந்தா தற்போது விக்னேஷ் சிவன் இயக்கி முடித்துள்ள காத்துவாக்குல ரெண்டு காதல் என்ற படத்தில் நடித்துள்ளார். மேலும் தெலுங்கு திரையுலகில் சாகுந்தலம் தவிர யசோதா ஆகிய படங்களிலும் நடித்துக் கொண்டிருக்கிறார். இந்த மூன்று படங்களும் விரைவில் ரிலீஸ் ஆக உள்ளது. மேலும் அவர் தி ஃபேமிலிமேன் தொடர் இயக்குனரின் அடுத்த வெப்தொடரிலும் ஹாலிவுட் வெப்தொடரிலும் நடிக்கவுள்ளார் என்பது குறிப்பிடத்தக்கது.
