சுகுமார் இயக்கத்தில் அல்லு அர்ஜுன் மற்றும் ராஷ்மிகா நடிப்பில் வெளியான படம் புஷ்பா: தி ரைஸ். இந்த படத்தில் நடிகை ராஷ்மிகா மந்தனா, பகத் பாசில் உள்ளிட்ட பலர் இந்த திரைப்படத்தில் நடி்த்திருந்தனர். இந்த திரைப்படம் தமிழ், தெலுங்கு, இந்தி உள்ளிட்ட பல மொழிகளில் வெளியாகி வசூலை குவித்தது.
தற்போது தாதாசாஹேப் பால்கே சர்வதேச திரைப்பட விழா விருதுகள் 2022 இல் இந்த ஆண்டின் சிறந்த திரைப்படத்திற்கான விருதை புஷ்பா: தி ரைஸ் திரைப்படம் வென்றுள்ளது. இது தொடர்பாக தாதாசாஹேப் பால்கே சர்வதேச திரைப்படவிழா ட்விட்டர் பக்கத்தில் வெளியாகியுள்ள அறிவிப்பில் கூறியதாவது.,
இதற்கிடையில் இப்படம் திரைக்கு வந்து பல நாட்கள் ஆனபோதிலும், இப்படத்தில் இடம்பெற்ற பாடல்கள் யாவும் ரசிகர்கள் மனதில் நீங்காத இடத்தை பிடித்துவிட்டது. இப்படத்திலுள்ள ‘ஊ சொல்றியா மாமா, சாமி சாமி, ஸ்ரீவல்லி’ போன்ற பாடல்கள் ரசிகர்கள் மத்தியில் அதிக பிரபலமானது. இந்த பாடல்களுக்கு சிறுவர் முதல் பெரியவர்கள் வரை அனைவரும் நடனமாடி அதனை ட்ரெண்ட் செய்து வருகின்றனர், இதனை பலரும் சேலஞ்சாக எடுத்துக்கொண்டு நடனமாடி வருகின்றனர்.
தாதாசாகேப் பால்கே சர்வதேச திரைப்பட விழா விருதுகள் 2022 இல், ஆண்டின் சிறந்த திரைப்படத்திற்கான விருதை வென்றதற்காக ‘புஷ்பா: தி ரைஸ்’ படத்திற்கு வாழ்த்துகள். படக்குழுவின் கடின உழைப்பும் விடாமுயற்சியும் பலனளித்துள்ளன எனத் தெரிவிக்கப்பட்டுள்ளது. இதனையடுத்து புஷ்பா படக்குழுவினர் தற்போது மகிழ்ச்சியில் திளைத்துள்ளனர்.
