“கல்லூரி மாணவர்களின் அரசியலை பற்றி பேசும் படம், இது. திண்டிவனம், புதுச்சேரி, வடசென்னை பகுதிகளில் படப்பிடிப்பு நடைபெற இருக்கிறது” என்று டைரக்டர் ஹென்றி கூறினார்.
கல்லூரியில் நடக்கும் காதல் மற்றும் மாணவர்கள் அரசியலை அடிப்படையாக கொண்ட கதை, இது. படத்துக்கு, ‘இயல்வது கரவேல்’ என்று பெயர் சூட்டியிருக்கிறார்கள்.
எஸ்.எஸ்.எஸ்.ஹென்றி கதை எழுதி இயக்குகிறார். இவர், ‘இன்று நேற்று நாளை’ டைரக்டர் ரவிகுமார், ‘அண்ணனுக்கு ஜே’ டைரக்டர் ராஜ்குமார் ஆகிய இருவரிடமும் உதவி டைரக்டராக பணிபுரிந்தவர். டேனியல் கிறிஸ்டோபர், தென்னிலவன் ஆகிய இருவரும் தயாரிக்கிறார்கள்.
குழந்தை நட்சத்திரமாக இருந்த யுவலட்சுமி, இந்த படத்தின் மூலம் கதாநாயகியாக அறிமுகம் ஆகிறார். கரு.பழனியப்பன், மாஸ்டர் மகேந்திரன், ‘ஆடுகளம்’ நரேன், லகுபரன் ஆகியோர் முக்கிய கதாபாத்திரங்களில் நடிக்கிறார்கள்.
