திருச்சி மாவட்டம், மணப்பாறை அருகே, கோட்டை பழவஞ்சி கிராமத்தில் உள்ள உறவினர் இல்ல நிச்சயதார்த்த விழாவுக்கு, பொன்னாங்கொம்பு கிராமத்தை சேர்ந்த கிருஷ்ணன் என்பவர் குடும்பத்துடன் சென்றார்.
மணப்பறையில், உறவினர் வீட்டு விசேஷத்துக்கு சென்ற போது, ரசத்துக்குள் தவறி விழுந்த 5 வயது சிறுவன் பரிதாபமாக இறந்தான்.
நேற்று, விசேஷ வீட்டில் விளையாடிக் கொண்டிருந்த கிருஷ்ணனின் 5 வயது மகன் சுதர்ஸன், சமைத்து வைக்கப்பட்டிருந்த ரசத்தில் தவறி விழுந்தார்.
கொதித்துக் கொண்டிருந்த ரசத்தில் தவறி விழுந்ததால், படுகாயமடைந்த சிறுவன், அரசு மருத்துவக் கல்லுாரி மருத்துவமனையில் சேர்க்கப்பட்டான்.
அங்கு சிகிச்சை பலனின்றி சிறுவன் இறந்ததால், வளநாடு போலீசார் வழக்கு பதிந்து விசாரிக்கின்றனர்.
