கோட்டா கோ கம அறவழிப் போராட்டம் ஆரம்பிக்கப்பட்டு 50 நாட்கள் நிறைவு பெறுவதை முன்னிட்டு மெழுகுவர்த்தி ஏந்தும் போராட்டமொன்று திட்டமிடப்பட்டுள்ளது.
அறவழிப் போராட்டத்தின் ஐம்பதாம் நாளான இம்மாதம் 28ஆம் திகதி சனிக்கிழமை, காலை பத்து மணிக்குச் சுதந்திர சதுக்கத்தில் இந்தப் போராட்டம் நடைபெறவுள்ளது.
அதற்கு இணையாகக் கோட்டா கோ கமவிலும் பண்டாரநாயக்க சிலை அருகே மெழுகுவர்த்தி ஏந்தும் போராட்டம் நடைபெறும் நாட்டுக்காக மெழுகுவர்த்தி ஏந்துவோம் என்ற தலைப்பிலான இந்தப் போராட்டத்தில் கோட்டா கோ கமவுக்கு ஆதவரளிக்கும் முக்கிய பிரமுகர்கள் பலரும் கலந்து கொள்ளவுள்ளனர்.
இப்போராட்டத்தில் கலந்து கொள்ள வருகை தருகின்றவர்கள் தேசியக் கொடி மற்றும் 21ஆம் திருத்தச் சட்டம் தொடர்பான பதாகைகளுடன் வருகை தருமாறு ஏற்பாட்டாளர்கள் வேண்டிக் கொண்டுள்ளனர்.
