மிஸ்ஸிசாகுவாவில் இடம்பெற்ற துப்பாக்கிச் சூட்டு சம்பவத்தில் நபர் ஒருவர் கொல்லப்பட்டுள்ளார்.
மாவீஸ் மற்றும் எக்லிங்டன் வீதிக்கு அருகாமையில் இந்த சம்பவம் இடம்பெற்றுள்ளது.
30 வயது மதிக்கத் தக்க நபர் ஒருவர் துப்பாக்கிச் சூட்டுக்கு இலக்காகியிருந்த நிலையில் மீட்கப்பட்டதாக பொலிஸார் தெரிவிக்கின்றனர்.
துப்பாக்கிச் சூட்டில் படுகாயமடைந்த நபரை வைத்தியசாலையில் அனுமதித்த போதிலும் சிகிச்சை பலனின்றி அவர் உயிரிழந்துள்ளார்.
உயிரிழந்தவரின் ஆள் அடையாள விபரங்கள் எதுவும் இதுவரையில் வெளியிடப்படவில்லை.
சம்பவம் தொடர்பில் விசாரணைகள் ஆரம்பிக்கப்பட்டுள்ளதாக பீல் பிராந்திய பொலிஸார் தெரிவிக்கின்றனர்.
இந்த சம்பவம் தொடர்பில் தகவல்கள் இருந்தால் அதனை பொலிஸாருடன் பகிர்ந்து கொள்ளுமாறு கோரிக்கை விடுக்கப்பட்டுள்ளது.
