மும்பையில் உள்ள ஜியோ உலக மாநாட்டு மையத்தில் வி.எல்.சி.சி ‘பெமினா மிஸ்-இந்தியா’ இறுதிப் போட்டி நேற்று நடைபெற்றது.
அதில் கர்நாடகாவை சேர்ந்த சினி ஷெட்டி, “பெமினா மிஸ்-இந்தியா வேர்ல்ட் – 2022” வெற்றியாளராக ஆனார்.
ராஜஸ்தானின் ரூபல் ஷெகாவத் 2-வது இடமும், உத்தரப் பிரதேசத்தைச் சேர்ந்த ஷினாதா சவுகான் 3-வது இடமும் பிடித்தனர்.
மிஸ் இந்தியாவின் அதிகாரப்பூர்வ இன்ஸ்டாகிராம் பக்கத்தில் இந்த தகவல் பதிவிடப்பட்டுள்ளது. அதில் குறிப்பிடப்பட்டுள்ளதாவது, “மிஸ் இந்தியா வேர்ல்ட் 2022இல், தனது காந்தம், வசீகரம், சகிப்புத்தன்மை மற்றும் அழகு ஆகியவற்றால் அரங்கில் எங்கள் இதயங்களை சினி ஷெட்டி கொள்ளையடித்தார்.
மேலும், மிஸ் வேர்ல்ட்(உலக அழகி) போட்டியில், அவர் நாட்டை பெருமைப்படுத்துவார் என்று நம்புகிறோம்.” என்று நிகழ்ச்சி அமைப்பாளர்கள் தெரிவித்தனர்.
