பிரம்டனில் நபர் ஒருவரின் சடலம் மீட்கப்பட்ட சம்பவம் பெரும் சர்ச்சையை ஏற்படுத்தியுள்ளது.
பிரம்டனில் இடம்பெற்ற வன்முறைச் சம்பவமொன்றில் குறித்த நபர் உயிரிழந்துள்ளதாகத் தெரிவிக்கப்படுகின்றது.
இந்த சம்பவத்துடன் தொடர்புடைய சந்தேகத்தின் பேரில் நபர் ஒருவரை பொலிஸார் கைது செய்துள்ளனர்.
வென்லஸ் ட்ரைவ் மற்றும் வின்ஸ்டன் சேர்ச்சில் ட்ரைவ் பகுதியில் நபர் ஒருவர் படுகாயமடைந்துள்ளதாக தகவல்கள் கிடைக்கப் பெற்றுள்ளது.
இந்த சம்பவம் தெடர்பில் அறிவிக்கப்பட்டதும் பொலிஸார் சம்பவ இடத்திற்கு விரைந்துள்ளனர்.
இதன் போது நபர் ஒருவர் காயமடைந்து மரணித்துள்ளமை கண்டறியப்பட்டுள்ளது.
சம்பவம் இடம்பெற்ற இடத்தில் அமைந்துள்ள வீட்டுக்கு அருகாமையில் நபர் ஒருவரை பீல் பிராந்திய பொலிஸ் அதிகாரிகள் கைது செய்துள்ளனர்.
