ஒட்டோவா மற்றும் டொரன்டோ நகர மேயர்களுக்கு வழங்கப்பட உள்ள விசேட அதிகாரம் குறித்து ஒன்றாறியோ மாகாண முதல்வர் டக் போர்ட் அறிவித்துள்ளார்.
இந்த இரண்டு நகர நேயர்களுக்கும் வீட்டோ அதிகாரங்களை வழங்குவதற்கு திட்டமிட்டுள்ளதாக அவர் தெரிவித்துள்ளார்.
மூன்றில் இரண்டு பெரும்பான்மை பலம் இன்றி இந்த நகர மேயர்களின் வீட்டோ அதிகாரத்தை நகர சபையினால் நிராகரிக்க முடியாது என பரிந்துரை செய்யப்பட்டுள்ளது.
மாகாணத்தின் பிரதான இரண்டு நகரங்களான டொரன்டோ மற்றும் ஒட்டோவா ஆகிய நகர மேயர்களுக்கு மட்டும் இந்த அதிகாரங்களை வழங்குவதற்கு டக் போர்ட் தீர்மானித்துள்ளார்.
ஒன்றாடியோவின் மேயர் ஜொண்டோரி அல்லது ஒட்டோவா நகரின் மேயர் ஜிம்பர்சன் ஆகிய இருவரும் இவ்வாறான அதிகாரங்களை ஒருபோதும் கோரவில்லை எனவும் அவர் குறிப்பிட்டுள்ளார்.
பரீட்சார்த்த அடிப்படையில் இந்த மாற்றம் செய்யப்படுவதாகவும் எதிர்காலத்தில் இந்த மாற்றம் ஏனைய நகரங்களுக்கும் முன்னெடுக்கப்படலாம் எனவும் மேயர் முதல்வர் தெரிவித்துள்ளார்.
