பிரிட்டிஷ் கொலம்பிய மாகாணம் விட்சில் பகுதியில் இடம்பெற்ற துப்பாக்கிச் சூட்டு சம்பவத்தில் இரண்டு பேர் உயிரிழந்துள்ளனர்.
இந்த சம்பவத்துடன் தொடர்புடைய சந்தேகத்தின் பேரில் இரண்டு பேரை போலீசார் கைது செய்துள்ளனர்.
நேற்றைய தினம் மாலை வேலையில் இந்த துப்பாக்கிச் சூட்டு சம்பவம் இடம்பெற்றுள்ளது.
துப்பாக்கிச்சூட்டுக்கு இலக்காகிய ஒருவர் சம்பவ இடத்திலேயே உயிரிழந்துள்ளதுடன், மற்றவர் வைத்தியசாலையில் அனுமதிக்கப்பட்டதன் பின்னர் உயிரிழந்துள்ளார்.
இந்த துப்பாக்கி சூட்டு சம்பவத்திற்கான காரணங்கள் இதுவரை கண்டறியப்படவில்லை என போலீசார் தெரிவிக்கின்றனர்.
எனினும் இரு குழுக்களுக்கு இடையிலான மோதல் சம்பவங்களின் தொடர்ச்சியாக இருக்கலாம் என போலீசார் சந்தேகம் வெளியிட்டுள்ளனர்.
இந்த சம்பவம் குறித்து விரிவான விசாரணைகள் முன்னெடுக்கப்பட உள்ளதாக போலீசார் தெரிவிக்கின்றனர்.
