மூதாட்டிக்கு இழப்பீடு வழங்கிய பின், மீண்டும் தவறுதலாக, 1.50 லட்சம் ரூபாய் அவரது வங்கிக் கணக்கில் வரவு வைக்கப்பட்டது. அந்த தொகையை அவர் தர மறுத்ததால், மோசடி வழக்கு பதிவு செய்யப்பட்டுள்ளது.
சேலம், தலைமை குற்றவியல் நீதிமன்ற ‘செராஸ்தார்’ செந்தில்குமார், அஸ்தம்பட்டி போலீஸ் ஸ்டேஷனில் அளித்த புகார்:
சேலம் மாவட்டம், தாரமங்கலம், பாரக்கல்லுாரை சேர்ந்த சுசீலா, 76, என்பவருக்கு, மோட்டார் வாகன வழக்கில் இழப்பீடாக, 1.50 லட்சம் ரூபாய், 2016ல் வழங்கப்பட்டது. நீதிமன்ற கணக்கிலிருந்து மீண்டும் அவருக்கு தவறுதலாக, 1.50 லட்சம் ரூபாய் வழங்கப்பட்டது.
அவரின் வங்கிக்கணக்குக்கு தவறுதலாக செலுத்தப்பட்ட தொகையை தர மறுக்கிறார். அந்த பணத்தை முழுமையாக கொடுக்க முடியாவிட்டாலும், தவணைகளாக செலுத்த, நீதிமன்ற ஊழியர்கள் வாய்ப்பு வழங்கினர். எனினும் அவர் கொடுக்க மறுக்கிறார்.
அவர் மீது வழக்குப்பதிவு செய்து, நடவடிக்கை எடுக்க வேண்டும். இவ்வாறு அதில் கூறப்பட்டுள்ளது. மூதாட்டி சுசீலா மீது மோசடி வழக்குப்பதிந்து, போலீசார் விசாரிக்கின்றன
