பிரபல கனேடிய நடிகர் ரொபர்ட் கோர்மியர் விபத்தில் சிக்கி உயிரிழந்துள்ளார்.
33 வயதான கோர்மியர் விபத்தில் சிக்கி உயிரிழந்துள்ளதாக அவரது சகோதரி ஸ்டெப்பானி கோர்மியர் தெரிவித்துள்ளார்.
சகோதரனின் மரணம் பெரும் சோகத்தை ஏற்படுத்தியுள்ளதாக அவர் குறிப்பிட்டுள்ளார்.
இந்த நெருக்கடியான தருணத்தில் இரங்கல் வெளியிட்ட மற்றும் எமக்கு ஆதரவளித்து வரும் அனைவருக்கும் நன்றி தெரிவித்துக் கொள்வதாக அவர் தெரிவித்துள்ளார்.
பிரபல தொலைக்காட்சி தொடர்களான ஹார்ட்லான்ட் மற்றும் அமெரிக்கன் கோட்ஸ் ஆகியனவற்றில் ரொபர்ட் கோர்மியர் மிக முக்கியமான பாத்திரங்களில் நடித்துள்ளார் என்பது குறிப்பிடத்தக்கது.
விபத்து குறித்த காரணங்கள் எதுவும் இதுவரையில் வெளியிடப்படவில்லை.
