டொரன்டோவின் மேற்கு பகுதியில் மருந்தகங்களில் கொள்ளையிட்ட மூன்று பதின்ம வயது சிறுவர்களை போலீசார் கைது செய்துள்ளனர்.
றொஜர்ஸ் வீதி மற்றும் சில்வர்தோர்ன் அவென்யூ ஆகிய பகுதிகளில் இரண்டு மருந்தகங்களில் இடம்பெற்ற கொள்ளை சம்பவங்கள் தொடர்பில் முறைப்பாடுகள் கிடைக்கப்பெற்றதாக போலீசார் தெரிவிக்கின்றனர்.
களவாடப்பட்ட வாகனங்களை பயன்படுத்தி இந்த சிறுவர்கள் மருந்தகங்களில் கொல்லையில் ஈடுபட்டதாக தெரிவிக்கப்படுகிறது.
முக கவசங்கள், தொப்பிகள் மற்றும் கையுறைகள் போன்றவற்றை அணிந்து யாரும் அடையாளம் காண முடியாத வகையில் மாறு வேடத்தில் இந்த சிறுவர்கள் கொள்ளைச் சம்பவங்களில் ஈடுபட்டுள்ளனர் என தெரிவிக்கப்படுகிறது.
மருந்தகங்களில் கடமையாற்றி வரும் பணியாளர்களையும் இந்த சிறுவர்கள் தாக்கியுள்ளதாகவும் தெரிவிக்கப்படுகிறது.
போதை பொருள், கத்தி மற்றும் களவாடப்பட்ட பணம் என்பன இந்த சிறுவர்களிடமிருந்து மீட்கப்பட்டுள்ளதாக போலீசார் தெரிவிக்கின்றனர்.
கைது செய்யப்பட்டவர்களில் இருவர் பதினைந்து வயதானவர்கள் எனவும் ஒருவர் 14 வயதானவர் எனவும் தெரிவிக்கப்படுகிறது.
இந்த சிறுவர்களுக்கு எதிராக பல்வேறு குற்றச்சாட்டுகள் சுமத்தப்பட்டு வழக்கு தொடரப்பட உள்ளமை குறிப்பிடத்தக்கது.
