கனடாவின் டர்ஹம் பகுதியில் இடம்பெற்ற வாகன விபத்தில் 16 வயது சிறுவன் உயிரிழந்துள்ளான்.
மோட்டார் சைக்கிள் ஒன்றை செலுத்தி சென்ற சிறுவனே இவ்வாறு உயிரிழந்துள்ளான்.
இந்த விபத்து புக்ஸ்பிரிட்ஜ் பகுதியில் இடம்பெற்றுள்ளது.
மோட்டார் சைக்கிள் வாகனம் ஒன்றில் மோதுண்டதன் காரணமாக விபத்து இடம்பெற்றதாக தர்ஹம் பிராந்திய போலீஸ் அதிகாரிகள் தெரிவிக்கின்றனர்.
சம்பவத்தில் படுகாயம் அடைந்த சிறுவன் வைத்திய சாலையில் அனுமதிக்கப்பட்டதாகவும் சிகிச்சை பலனின்றி உயிரிழந்து விட்டதாகவும் தெரிவிக்கப்படுகிறது.
இந்த விபத்து சம்பவத்துடன் தொடர்புடைய வாகனத்தை செலுத்தியவர், 40 வயதான பெண் எனவும் விசாரணைகளுக்கு அவர் ஒத்துழைப்பு வழங்கி வருவதாகவும் தெரிவிக்கப்படுகிறது.
சம்பவம் தொடர்பில் ஏதேனும் தகவல்கள் இருந்தால் போலீசாருக்கு அறிவிக்குமாறு கோரப்பட்டுள்ளது.
