20 ஓவர் உலக கோப்பை போட்டியின் சூப்பர்12 சுற்றில் இன்று நடைபெறும் ஆட்டங்களில் இங்கிலாந்து-அயர்லாந்து, நியூசிலாந்து-ஆப்கானிஸ்தான் அணிகள் மோதுகின்றன.
சூப்பர்12 சுற்று 8-வது 20 ஓவர் உலக கோப்பை கிரிக்கெட் போட்டி ஆஸ்திரேலியாவில் நடந்து வருகிறது. இதில் சூப்பர்12 சுற்றில் இடம் பெற்றுள்ள 12 அணிகள் இரண்டு பிரிவாக பிரிக்கப்பட்டுள்ளன.
குரூப்1-ல் ஆஸ்திரேலியா, இங்கிலாந்து, நியூசிலாந்து, இலங்கை, ஆப்கானிஸ்தான், அயர்லாந்து அணிகளும், குரூப்2-ல் இந்தியா, பாகிஸ்தான், தென்ஆப்பிரிக்கா, வங்காளதேசம், ஜிம்பாப்வே, நெதர்லாந்து அணிகளும் அங்கம் வகிக்கின்றன.
இதில் ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். இதன் முடிவில் இரண்டு பிரிவிலும் முதல் 2 இடங்களை பிடிக்கும் அணிகள் அரைஇறுதிக்கு தகுதி பெறும்.
இந்த போட்டி தொடரில் சூப்பர்12 சுற்றில் இன்று (புதன்கிழமை) உலகின் மிகப்பெரிய ஸ்டேடியங்களில் ஒன்றான மெல்போர்னில் இரண்டு ஆட்டங்கள் அரங்கேறுகிறது.
