ஆஸ்திரேலியாவுக்கு சென்றுள்ள வெஸ்ட் இண்டீஸ் கிரிக்கெட் அணி 2 போட்டிகள் கொண்ட டெஸ்ட் தொடரில் விளையாடுகிறது. இவ்விரு அணிகள் இடையிலான முதலாவது டெஸ்ட் உலகின் அதிவேக ஆடுகளங்களில் ஒன்றான பெர்த்தில் நாளை (புதன்கிழமை) தொடங்குகிறது.
பேட் கம்மின்ஸ் தலைமையிலான ஆஸ்திரேலிய அணி வார்னர், சுமித், லபுஸ்சேன், டிராவிஸ் ஹெட், கவாஜா, ஹேசில்வுட், நாதன் லயன் என்று நட்சத்திர பட்டாளங்களை கொண்டுள்ளது. கிரேக் பிராத்வெய்ட் தலைமையிலான வெஸ்ட் இண்டீஸ் அணி ஆஸ்திரேலியாவை சமாளிப்பது கடினம் தான். ஷமார் புரூக்ஸ், பிளாக்வுட், ஹோல்டர், கைல் மேயர்ஸ் உள்ளிட்டோர் கைகொடுத்தால் தாக்குப்பிடிக்கலாம்.
டெஸ்ட் கிரிக்கெட்டில் 2003-ம் ஆண்டுக்கு பிறகு வெஸ்ட் இண்டீஸ் அணி, ஆஸ்திரேலியாவை வீழ்த்தியதில்லை என்பது குறிப்பிடத்தக்கது. இந்நிலையில் வெஸ்ட் இண்டீஸ் அணிக்கு எதிரான ஆடும் லெவனை ஆஸ்திரேலிய அணி வெளியிட்டுளது. அதன்படி முதல் டெஸ்ட் போட்டியில் ஆஸ்திரேலிய வார்னர், ஸ்மித், லயான், ஸ்டார்க், ஹேஸ்லேவுட் உள்ளிட்ட முக்கிய வீரர்கள் இடம் பிடித்துள்ளனர்.
ஆஸ்திரேலிய அணி விவரம்: உஸ்மான் கவாஜா, டேவிட் வார்னர், மார்னஸ் லபுஸ்சேன், ஸ்டீவ் ஸ்மித், டிராவிஸ் ஹெட், கேமரூன் க்ரீன், அலெக்ஸ் கேரி, பேட் கம்மின்ஸ், மிட்செல் ஸ்டார்க், ஜோஷ் ஹேஸ்லேவுட், நாதன் லயான்.
இந்திய நேரப்படி நாளை காலை 7.50 மணிக்கு தொடங்கும் இந்த டெஸ்ட் போட்டியை சோனி டென்1 சேனல் நேரடி ஒளிபரப்பு செய்கிறது.
