மிஸ்ஸிசாகுவாவில் இடம்பெற்ற துப்பாக்கிச் சூட்டு சம்பவத்தில் நபர் ஒருவர் உயிரிழந்துள்ளார்.
911 அவசர அழைப்பு சேவைக்கு கிடைக்கப்பெற்ற தகவலை அடுத்து பீல் பிராந்திய போலீசார் சம்பவ இடத்திற்கு விரைந்துள்ளனர்.
இதன்போது படுகாயம் அடைந்த நிலையில் ஒருவர் உயிருக்கு போராடிக் கொண்டிருப்பதனை போலீசார் அவதானித்துள்ளனர்.
முதலுதவிகளை செய்ய முயற்சித்த போதிலும் அது பலன் அளிக்கவில்லை எனவும் சம்பவ இடத்திலேயே குறித்த நபர் உயிரிழந்துள்ளார் எனவும் தெரிவிக்கப்படுகிறது.
சம்பவத்தில் உயிரிழந்த நபர் பற்றிய விவரங்கள் எதுவும் இதுவரையில் போலீசார் வெளியிடவில்லை.
இந்த சம்பவம் தொடர்பில் போலீசார் விரிவான விசாரணைகளை ஆரம்பித்துள்ளனர்.
துப்பாக்கிச்சூட்டு சம்பவத்துடன் தொடர்புடைய எவரும் இதுவரை கைது செய்யப்படவில்லை என்பது குறிப்பிடத்தக்கது.
