வங்காளதேசத்தில் சுற்றுப்பயணம் மேற்கொண்டுள்ள இந்திய கிரிக்கெட் அணி ஒரு நாள் தொடரை 1-2 என்ற கணக்கில் இழந்தது.
அடுத்ததாக 2 போட்டிகள் கொண்ட டெஸ்ட் தொடரில் ஆடுகிறது. இதன்படி இந்தியா- வங்காளதேசம் இடையிலான முதல் டெஸ்ட் போட்டி சட்டோகிராமில் உள்ள ஜாஹூர் அகமது ஸ்டேடியத்தில் இன்று காலை 9 மணிக்கு தொடங்கியது.
இப்போட்டிக்கான டாஸ் சுண்டப்பட்டது. இதில் டாஸ் வென்ற இந்திய அணி முதலில் பேட்டிங் தேர்வு செய்தது. இந்திய அணி இன்றைய முதல் நாள் ஆட்ட நேர முடிவில் 90 ஓவர்களில் 6 விக்கெட் இழப்புக்கு 278- ரன்கள் எடுத்துள்ளது.
அதிகபட்சமாக புஜரா 90 ரன்கள் எடுத்து ஆட்டமிழந்தார். ஷ்ரேயாஸ் ஐயர் 82 ரன்களுடன் களத்தில் உள்ளார். பந்து வீச்சை பொறுத்தவரை அதிகபட்சமாக வங்காளதேச வீரர் தஜுல் இஸ்லாம் 3 விக்கெட்டுகளை எடுத்துள்ளார்.
