தமிழ்நாடு விளையாட்டு மேம்பாட்டு ஆணையம் மூலம் விளையாட்டு இந்தியா திட்டத்தின் கீழ் கூடைப்பந்து பயிற்சிக்கான மாவட்ட மையம், பாளையங்கோட்டை அண்ணா விளையாட்டு மைதானத்தில் அமைக்கப்பட உள்ளது.
இங்கு 30 முதல் 100 வீரர்கள் வரை சேர்க்கப்பட்டு அவர்களுக்கு தினசரி பயிற்சி அளிக்கப்பட உள்ளது. இந்த மையத்தில் பயிற்சியாளராக சேர்ந்து பயிற்சி வழங்கிட தேசிய அளவில் சாதனை படைத்த 40 வயதுக்கு உட்பட்ட கூடைப்பந்து வீரர், வீராங்கனை ஒருவர் தேர்வு செய்யப்பட உள்ளனர்.
இதற்கு நெல்லை மாவட்டத்தை சேர்ந்த தகுதியானவர்கள் விண்ணப்பிக்கலாம். தேர்வு செய்யப்படும் பயிற்சியாளருக்கு 11 மாதங்கள் மாதாந்திர பயிற்சி கட்டணமாக ரூ.18 ஆயிரம் வழங்கப்படும்.
இதற்கான விண்ணப்பத்தை www.sdat.tn.gov.in என்ற இணையதளத்தில் 2023-ம் ஆண்டு ஜனவரி 3-ந்தேதி மாலை 5 மணி வரை விண்ணப்பிக்கலாம். இந்த தகவலை மாவட்ட விளையாட்டு மற்றும் இளைஞர் நலன் அலுவலர் கிருஷ்ணசக்கரவர்த்தி தெரிவித்து உள்ளார்.
