கனடாவின் ஹமில்டன் பகுதியில் 15 வயது சிறுவன் ஒருவன் செலுத்திய வாகனத்தில் மோதுண்டு மற்றும் ஒரு 15 வயது சிறுவன் உயிரிழந்துள்ளார்.
இந்த சம்பவத்தில் உயிரிழந்த மற்றும் வாகனத்தை செலுத்திய மாணவர்கள் ஒரே பாடசாலையைச் சேர்ந்தவர்கள் என்பது குறிப்பிடத்தக்கது.
பரடைஸ் வீதி ஸ்டோன் சர்ச் வீதி ஆகியனவற்றுக்கு அருகாமையில் இந்த விபத்து இடம்பெற்றுள்ளது.
விபத்தில் சிக்கிய சிறுவன் படுகாயம் அடைந்த நிலையில் வைத்தியசாலையில் அனுமதிக்கப்பட்டுள்ளார்.
எனினும் சிகிச்சை பலனின்றி குறித்த சிறுவர் வைத்தியசாலையில் உயிரிழந்து விட்டதாக போலீசார் தெரிவிக்கின்றனர்.
இந்த விபத்து சம்பவத்துடன் தொடர்புடைய சிறுவன் சம்பவ இடத்தை விட்டு தப்பி சென்றதாகவும் பின்னர் போலீசார் அந்தச் சிறுவனை கைது செய்துள்ளதாகவும் தெரிவிக்கப்படுகிறது.
புனித தோமஸ் மோர் கத்தோலிக்க இரண்டாம் நிலை பள்ளியில் கற்கும மாணவர்களே இந்த சம்பவத்துடன் தொடர்புடையவர்கள் என்பது குறிப்பிடத்தக்கது.
