கனடாவின் தர்ஹம் பிராந்தியத்தின் பொவ்மன்வில் பகுதியில் இரண்டு சடலங்கள் மீட்கப்பட்டுள்ளன.
போலீசாருக்கு கிடைக்கப்பெற்ற தகவல்களின் அடிப்படையில் க்ரோம்பி மற்றும் பொவ்மன்வில் பகுதிகளுக்கு அருகாமையில் உள்ள வீடொன்றில் இந்த சடலங்கள் மீட்கப்பட்டுள்ளன.
காயமடைந்த நிலையில் இருவரது சடலங்களை மீட்டதாக போலீசார் தெரிவிக்கின்றனர்.
இந்த இரண்டு சடலங்கள் தொடர்பிலும் பிரேத பரிசோதனை நடத்தப்பட உள்ளதாக தெரிவிக்கப்படுகிறது.
சம்பவத்தில் உயிரிழந்தவர்கள் யார் என்பது பற்றிய தகவல்கள் எதுவும் இதுவரையில் வெளியிடப்படவில்லைஃ
சம்பவம் தொடர்பில் விசாரணைகள் ஆரம்பிக்கப்பட்டுள்ளதாக போலீசார் தெரிவிக்கின்றனர்.
இந்த சடலங்கள் மீட்பு தொடர்பில் ஏதேனும் தகவல்கள் இருந்தால் அதனை போலீசாருக்கு தாமதம் இன்றி அறிவிக்குமாறு தர்ஹம் போலீசார் பொதுமக்களிடம் கோரியுள்ளனர்.
