கனடாவின் அஜாக்ஸ் பகுதியில் இடம்பெற்ற வாகன விபத்தில் ஒருவர் உயிரிழந்தார்.
தர்ஹம் பிராந்திய போலீசார் இந்த தகவலை வெளியிட்டுள்ளனர்.
இரண்டு வாகனங்கள் ஒன்றுடன் ஒன்று மோதிக்கொண்டதில் இந்த விபத்து இடம்பெற்றுள்ளது.
வாகன சாரதி ஒருவர் அதிவேகமாக வாகனத்தை செலுத்தி வந்த காரணத்தினால் வாகனம் கட்டுப்பாட்டை இழந்து மறுபுறம் இருக்கும் வீதியில் பாய்ந்ததன் காரணமாக இந்த விபத்து இடம் பெற்றுள்ளது.
இந்த விபத்தில் சாரதி பலத்த காயங்களுடன் வைத்தியசாலையில் அனுமதிக்கப்பட்ட போதிலும் சிகிச்சை பலனின்றி உயிரிழந்துள்ளார்.
இந்த விபத்து சம்பவம் தொடர்பில் ஏதேனும் தகவல்கள் இருந்தால் அது குறித்து அறிவிக்குமாறு போலீசார் பொதுமக்களிடம் கோரிக்கை விடுத்துள்ளனர்
