நடிகர் பிரபு அண்மையில் உடல்நலக்குறைவு காரணமாக சென்னைய்லி உள்ள தனியார் மருத்துவமனையில் அனுமதிக்கப்பட்டு சிகிச்சை பெற்றார்.
அவருக்கு சிறுநீரக பாதிப்பிற்காக சிகிச்சை அளிக்கப்பட்டதாகவும், அவர் நல்ல உடல் நலத்துடன் இருப்பதாகவும் மருத்துவமனை நிர்வாகம் தெரிவித்தது.
இந்த நிலையில் நடிகர் பிரபு இன்று திருப்பதி ஏழுமலையான் கோவிலில், தனது குடும்பத்தினருடன் சாமி தரிசனம் செய்தார். சாமி தரிசனம் செய்துவிட்டு வந்த அவரை ரசிகர்கள் சூழ்ந்த நிலையில், அவர்களுடன் பிரபு உற்சாகமாக புகைப்படங்கள் எடுத்துக் கொண்டார்.
பின்னர் செய்தியாளர்களிடம் பேசிய அவர், மக்களின் ஆசியுடன் தற்போது நலமாகவும், முழு ஆரோக்கியத்துடனும் இருப்பதாக தெரிவித்தார்.
தனது நலனை விசாரித்த அனைவருக்கும் மனமார்ந்த நன்றியை தெரிவித்துக் கொள்வதாகவும், அடுத்த வாரம் படப்பிடிப்பில் கலந்து கொள்ள இருப்பதாகவும் நடிகர் பிரபு தெரிவித்தார்.
