அமெரிக்காவில் வானிலை ஆய்வு மையமானது ஏப்ரல் 1 ஆம் ,2 ஆம் திகதிகளில் புயலுடன் கூடிய கனமழை பெய்யும் என எச்சரித்திருந்தது.
அதன்படி ஆர்கன்சாஸ், இல்லினாய்ஸ் ஆகிய மாகாணங்களை அடுத்தடுத்து பயங்கர புயல்கள் தாக்கியன.
கடந்த 2 நாட்களில் மட்டும் அங்கு சுமார் 60 புயல்கள் ஏற்பட்டதாக அந்த நாட்டின் வானிலை மையம் தெரிவித்துள்ளது.
இந்த புயல்கள் அமெரிக்காவின் தெற்கு மற்றும் மத்திய மேற்கு மாகாணங்களை தாக்கியது.
இந்நிலையில், இல்லினாய்ஸ், ஆர்கன்சாஸ் உள்ளிட்ட மாகாணங்களில் மேலும் பல உடல்களை மீட்பு படையினர் மீட்டதை அடுத்து, பலியானோர் எண்ணிக்கை 32 ஆக உயர்ந்துள்ளது.
மேலும் பலர் படுகாயங்களுடன் மீட்கப்பட்டு மருத்துவமனைகளில் சிகிச்சைக்காக அனுமதிக்கப்பட்டுள்ளனர்.
மேலும், பல புயல்கள் தாக்கக்கூடும் என அமெரிக்க வானிலை ஆய்வு மையம் அறிவித்துள்ளதால் மக்கள் எச்சரிக்கையுடன் இருக்கும்படி கேட்டுக்கொள்ளப்பட்டுள்ளது.
