பயணிகள் மீது இனந்தெரியாத ஒருவர் விரைவு தொடரூந்தில் வைத்து பெட்ரோல் ஊற்றி தீ வைத்துள்ள சம்பவம் ஒன்று இடம் பெற்றுள்ளது.
இச்சம்பவம் இந்தியாவின் கேரள மாநிலம் எழத்தூர் பகுதியில் இடம் பெற்றுள்ளது.
இதனை கண்டு அச்சமடைந்த நிலையில் ஓடும் தொடரூந்தில் இருந்து குதித்த ஒரு குழந்தை, ஒரு பெண் உட்பட்ட 3 பேர் உயிரிழந்துள்ளதாக தெரிவிக்கப்பட்டுள்ளது.
அவர்கள் மூவரின் சடலங்களும் தண்டவாளத்தில் இருந்து மீட்கப்பட்டதோடு தீயினால் 7 பேர் காயமடைந்துள்ளனர்.
அவர்களுக்கு மருத்துவமனையில் சிகிச்சை அளிக்கப்பட்டு வருகிறது.
எனினும் ஓடும் தொடரூந்தில் தீவைத்தவர் தப்பிச்சென்றுள்ளதாக தெரிவிக்கப்பட்டுள்ளது.
