அவினாசி வேளாண்மை உற்பத்தியாளர் கூட்டுறவு விற்பனை சங்கத்தில் பிரதிவாரம் புதன்கிழமை பருத்தி ஏலம் நடைபெறும்.
பருத்தி ஏலத்திற்கு 2005 மூட்டைகள் பருத்தி வந்திருந்தது. இது கடந்த வாரத்தை காட்டிலும் 180 மூட்டைகள் அதிகமாகும்.
இதில் ஆர்.சி.எச். ரகப்பருத்தி குவிண்டால் ரூ.7ஆயிரம் முதல் ரூ.8 ஆயிரத்து 468 வரையிலும் மட்டரகப்பருத்தி குவிண்டால் ரூ.2 ஆயிரத்து 500 முதல் ரூ.3 ஆயிரத்து 500 வரையிலும் வியாபாரிகள் ஏலத்தில் எடுத்தனர்.
ஏலத்தின் மொத்த மதிப்பு ரூ.41 லட்சத்து 56 ஆயிரமாகும். இத்தகவலை சங்க நிர்வாகிகள் தெரிவித்துள்ளனர்.
