சிறுத்தை சிவா இயக்கத்தில் நடிகர் சூர்யா நடிக்கும் 42-வது படத்தின் படப்பிடிப்பு விறுவிறுப்பாக நடந்து வருகிறது.
இது சரித்திர கதையம்சம் கொண்ட படமாக தயாராகிறது. படத்தின் போஸ்டர் ஏற்கனவே வெளியாகி எதிர்பார்ப்பை ஏற்படுத்தி உள்ளது.
இதில் நடிகை தீஷா பதானி கதாநாயகியாக நடிக்கிறார். தேவிஸ்ரீ பிரசாத் இசையமைக்கிறார்.
இந்த படத்தில் நடிகர் சூர்யா இதுவரை நடிக்காத தோற்றத்தில் நடித்து வருவதாகவும், அவரது சினிமா வாழ்க்கையில் இது முக்கிய படமாக இருக்கும் என்றும் படக்குழுவினர் தெரிவித்திருப்பது அவரது ரசிகர்களிடையே எதிர்பார்ப்பை அதிகரித்துள்ளது.
மேலும் இந்த படம் 10 மொழிகளில் தயாராகி வருவதாக தெரிவிக்கப்பட்டுள்ளது.
